الورد لحاله جميل، بس لما تتنسق ألوانه صح , يصير اجمل ، ويخطف القلب أسرع .
كثير ناس يشترون ورد بس ينسون إن اللون له تأثير كبير على شكل البوكيه ومشاعره.
في هذا المقال راح نتعلم اساسيات تنسيق الورد .
أول شي، لازم نعرف إن كل لون له إحساس ، مثلاً:
الأحمر = حب
الأبيض = نقاء وهدوء
الوردي = رقة وأنوثة
الأصفر = فرح وطاقة
البنفسجي = فخامة
طيب كيف ننسقهم؟ بقولك بعض طرق و أسرار التنسيق ….
في كذا استايل لتنسيق الورد ..
1. الستايل الكلاسيكي:
تختارين لون واحد بدرجات مختلفة. زي بوكيه ورد وردي فاتح مع وردي غامق… يعطي نعومة وأناقة بدون ما يكون مزعج للنظر.
2. التنسيق المتضاد:
تدمجين لونين مختلفين تمامًا، زي الأبيض مع البنفسجي، أو الأحمر مع الذهبي. هذا يعطي طابع قوي وجريء. بس لازم تتوازن الألوان، يعني ما نخلي لون يطغى على الثاني.
3. الستايل الهادئ (المودرن):
ألوان ناعمة مثل: بيج، أبيض، وردي باهت، مع لمسة خضار خفيفة. هذا يناسب حفلات، هدايا صباحية، أو مناسبات رسمية.
4. الستايل المرح:
زي الأصفر مع البرتقالي، أو فوشي مع تركواز. هذا يعطي طاقة وفرح، ويناسب الهدايا اللي فيها مفاجأة أو احتفال.
طيب كيف أختار التنسيق الصح؟
- اسألي نفسك: المناسبة وش نوعها؟ تخرج ؟ شكر؟ زيارة؟
- فكري في ذوق الشخص اللي بتعطينه الورد. يحب الستايل الجريء؟ أو هادي؟
- لا تنسين تضيفين لمسات زي شريطة بلون مناسب أو ورق تغليف يكمل الشكل.
بعض المتاجر يعرضون صور تنسيقات جاهزة، بس المتاجر المحترفة؟ يخيرونك بين الألوان، ويقولون لك وش الأنسب حسب المناسبة. وفيه ناس يطلبون كل شي بلون معين عشان يمشي مع ديكور أو فكرة معينة... وهنا يجي دور الإبداع!
في النهاية، تنسيق ألوان الورد ما هو بس حركات حلوة، هو فن ، ويعكس ذوق الشخص اللي اختار البوكيه. والجميل؟
إنك تقدر تعبر عن شعورك من غير ما تقول ولا كلمة... بس بوردة
تقدر تشوف تنسيقات الورد الجاهزة على متجرنا من [هنا](https://lafta-hadaya.com/%D8%A8%D9%88%D9%83%D8%B3%D8%A7%D8%AA-%D8%A7%D9%84%D9%88%D8%B1%D8%AF/c2117612470)